Կրթությունը ազատության ոսկե դուռը բացելու բանալին է

Դաս — մրցույթ հայոց լեզվից

Հոկտեմբերի 25th, 2017

Հոկտեմբերի 25-ին դպրոցի 9-րդ դասարանի աշակերտները անցկացրեցին դաս- մրցույթ “Բարդ համադասական նախադասություն” թեմայով: Դասը շատ հետաքրքիր և բովանդակալից էր: Աշակերտներն աշխատում էին երեք խմբով: Հատկապես գերազանց գնահատվեցին միջառարկայական և ներառարկայական կապերը: Խմբերի բոլոր աշակերտներն էլ ակտիվ էին:

Նկարներն այստեղ…

Նշում ենք գրադարանավարի օրը

Հոկտեմբերի 7th, 2017

ԳՐՔԵՐԻ ԱՇԽԱՐՀԸ ՏԻԵԶԵՐՔ Է ԱՆԵԶՐ…

Հոկտեմբերի 7-ին մի փոքրիկ, բայց գեղեցիկ  միջոցառմամբ աշակերտները և ուսուցիչները նշեցին գրադարանավարի օրը: Գրադարանում տիրում էր ջերմ և ուրախ մթնոլորտ: Գրադարանավարուհի Սուսաննան երջանիկ ժպիտով շնորհակալական խոսքեր ու մաղթանքներ հղեց բոլոր ներկաներին:

Նկարներն այստեղ…

ՖԻԶԻԿԱԿԱՆ ԿՈՒԼՏՈՒՐԱՅԻ ՄԻԱՍՆԱԿԱՆ ՕՐԸ ՄԵՐ ԴՊՐՈՑՈՒՄ

Սեպտեմբերի 27th, 2017

 

Սեպտեմբերի 23-ին մեր դպրոցում թե’ աշակերտները, թե’ ուսուցիչները մեծ խանդավառությամբ մասնակցեցին ֆիզիկական կուլտուրայի միասնական օրվան: Մասնակցում էին դպրոցի բոլոր դասարանների աշակերտները: Միջոցառման ընթացքում ընդգծված էին հետևյալ մարզաձևերը՝ թենիսի գնդակի նետում, հեռացատկ տեղից, վազք , ֆուտբոլ, վոլեյբոլ, տարրական դասարաններում` սպորտլանդիա:

 Ֆիզկուլտուրայի միասնական օրվա միջոցառման հաջողության մեջ իրենց ներդրումն ունեցան ֆիզկուլտուրայի ուսուցիչ Վ.Վարդազարյանը, դպրոցի դասվարներն ու դասղեկները:

Մենք հետևում ենք “Առողջ մարմնում` առողջ հոգի” 

ՓՈՔՐԻԿ, ԲԱՅՑ ԱՆԿԱԽ ԻՄ ՀԱՅԱՍՏԱՆ

Սեպտեմբերի 21st, 2017

Ինչպես ամբողջ հայ ժողովուրդը, այնպես էլ մեր դպրոցը, այսօր տոնում է Հայաստանի Հանրապետության 26-ամյակը: 1991 թվականի սեպտեմբերի 21-ի Հայաստանի տարածքում անցկացվեց հանրաքվե՝ ԽՍՀՄ-ի կազմից դուրս գալու և անկախանալու նպատակով։ Խորհրդարանի որոշմամբ, Հայաստանում հանրաքվեն անցկացվել է Հայաստանի անկախության մասին հռչակագրի դրույթներից ելնելով:Բնակչության ճնշող մեծամասնությունը «այո» ասաց անկախությանը։ Հանրաքվեի արդյունքների հիման վրա 1991թ. սեպտեմբերի 23-ին Հանրապետության Գերագույն խորհուրդը Հայաստանը հռչակեց անկախ պետություն։

Միջոցառման ընթացքում ներկայացվեց մեր վեցդարյա պատմական անցյալը՝ միահյուսված նորաթուխ 26-ամյա Անկախ Հայաստանի անցած ճանապարհին: Միջոցառումը հագեցված  էր հայրենասիրական երգերով ու պարերով, որոնք էլ ավելի տոնական դարձրին օրը: Միջոցառման նպատակն էր մեր սերը առ հայրենիք փոխանցել մեր մատաղ սերնդին, անկախության սերնդին, որ այդքան դժվար ձեռք բերված ազատ մեր երկիրը պահպանեն, շենացնեն, հաստատ կանգնեն մեր սուրբ հողի վրա և ինչ դժվարություններ էլ լինեն, երբեք չլքեն իրենց երկիրը:

ԱՅՈ-ն մեր կռիվն է մեզ հետ, աշխարհի հետ, ճակատագրի հետ: Կռվում ենք’՝ուրեմն կանք ու լինելու ենք: Լինելու ենք ազատ ու անկախ...»,- ասել է բանաստեղծ Համո Սահյանը:

ՇՆՈՐՀԱՎՈՐ ՏՈՆԴ, Ի’Մ ՀԱՅԱՍՏԱՆ:

 

ՇՆՈՐՀԱՎՈՐ ՍԵՊՏԵՄԲԵՐԻ 1

Սեպտեմբերի 1st, 2017

Այսօր Գնդեվազի միջնակարգ դպրոցի բակը լցված էր աշակերտների խինդ ու ծիծաղով: Գիտելիքի օրը աշակերտները, ուսուցիչները, ծնողներն ու պատվարժան հյուրերը դիմավորեցին մեծ խանդավառությամբ: Ամփոփելով նախորդ ուսումնական տարվա ձեռքբերումներն ու հաջողությունները՝ տնօրենը կոչ արեց հանդուրժողականության, աշխատասիրության, հայրենասիրության և մարդասիրության:

 

 

 

 

Վայոց ձորի մարզի մարզպետարանի ներկայացուցիչ պարոն Հովհաննիսյանը շնորհավորեց բոլորին և կարդաց մարզպետի ուղերձը:

Առաջին դասարանցիներին նվերներ էին պատրաստել Քրիստինե Արսենյանը և Ջերմուկի համայնքապետ Վ. Հովհաննիսյանը:

Փառատոն

Մայիսի 29th, 2017

Գնդեվազի միջնակարգ դպրոցի “Գնդեվազ” թատերական խումբը մասնակցեց Եղեգնաձոր քաղաքում կայացած մանկական թատերական փառատոնի Վայոց ձորի մարզային փուլին և արժանացավ “Լավագույն բեմականացում” մրցանակին: Բեմադրված էր Հովհ. Թումանյանի “Անուշ” պոեմը: Խմբի անկեղծ ելույթը չվրիպեց հանձնաժողովի աչքից:Մասնակիցները վերադարձան բարձր տրամադրությամբ: